Ma ʻApelila e wehe ʻia ana kekahi kula kūikawā nāna e pani hakahaka i kekahi kula haʻahaʻa ma Lahaina i luku ʻia e ke ahi ma ʻAukake, wahi a nā luna hana. 

Kā ka luna hoʻoponopono nota: Unuhi ʻia na Ākea Kahikina. Click here to read this article in English.

Ma hope o ko ke ahi hoʻoneʻe ʻana i nā haumāna he 1,000 a me nā limahana o ke Keʻena Hoʻonaʻauao he 100, ke ʻimi nei nā alakaʻi o nā kula a me ka mokuʻāina i nā haʻina e kōkua ai i nā kula ma Lahaina ma ke kūkulu hou ʻia ʻana o ke kaona a me ka hōʻalo ʻana i nā pōpilikia e hiki mai ana. 

Akā, ʻo nā palena moʻohelu kālā a me nā papahana ʻahaʻōlelo ʻē aʻe i loaʻa ʻole ai ke kālā, ʻo ia nō nā mea e hoʻopaʻakikī nei i ko DOE hoʻopau ʻana i ke kūkulu hou ʻana i pono ai ka palekana o nā haumāna ma ke kula. 

Ma hope o ke emi ʻana o ko DOE moʻohelu kālā he $40 miliona i kēlā makahiki aku nei, ua noi akula ke keʻena i $198 miliona ma ke ʻano he kālā pani hakahaka no kēia makahiki kālā 2025 e hiki mai ana. ʻO ka moʻohelu kālā i hāpai ʻia e ke kiaʻāina, ka mea i hoʻolaha lehulehu ʻia i kēlā mahina aku nei, emi aku ka liʻiliʻi he $86 miliona ma hope o ko ke keʻena i noi aku ai. 

Department of Education deputy superintendent Curt Otaguro testifies in front of the House of Representatives education committee Tuesday, Jan. 16, 2024, in Honolulu. (Kevin Fujii/Civil Beat/2024)
Wahi a Curt Otaguro, ka hope luna nui, pono ʻo DOE e hana me ka ʻeleu ma ka hoʻoponopono ʻana i nā ʻōnaehana kāhea pau ahi. (Kevin Fujii/Civil Beat/2024)

Ma loko o kēlā $86 miliona, e hoʻohana ʻia ana he $10 miliona no ka hoʻoponopono ʻana i nā ʻōnaehana kāhea pau ahi ma nā kula. Ma kekahi hālāwai o ka Papa Hoʻonaʻauao, ua kuhi ka hope luna nui ʻo Curt Otaguro, he 13 nā kula i loaʻa ai nā ʻōnaehana kāhea pau ahi i poloke. 

Ua ʻāʻumeʻume loa ke keʻena ma ka mālama ʻana i nā ʻōnaehana kāhea pau ahi; ua kali kekahi mau kula he mau makahiki no ka hoʻoponopono ʻana. 

“Noʻu iho, pono kākou e noke mau i mea e hoʻoponopono ʻia ai kēia mau mea,” wahi a Scott Matayoshi, he luna makaʻāinana, ma ka hālāwai a ka Hale i ka Pōʻakolu. ʻŌlelo mai ʻo ia, pono ʻo DOE e hōʻike leʻa me ka ʻeleu i nā mea i pono ai ka hana i mua o ka ʻAhaʻōlelo. 

Ua hāpai hoʻi ʻo Lisa Marten, he luna makaʻāinana, i kona leo hopohopo i pili i ka mālama mau ʻana i nā kula aupuni ma o ke kuhi pololei ʻana i nā ʻāina i loaʻa ai ka mauʻu a me ka nahele maloʻo loa i noho kokoke i nā kula a me nā kūkulu. Mālama ʻo DOE i ka ʻāina he 21 miliona ʻeka kuea ma ka mokuʻāina. 

Ua nīele ʻia ka hoʻolālā a DOE no ka waele ʻana i ka ʻāina, a ua pane mai ʻo Otaguro, ua noi mua ke keʻena i $25 miliona no ka hoʻoponopono ʻana i nā kula i hiki ke paipai i nā hana hōʻalo pōpilikia a me nā papahana ʻē aʻe. 

Lahainaluna High School supporters welcome students back to their campus Monday, Oct. 16, 2023, in Lahaina. The school has been closed since the Aug. 8 fire and studying at other schools in Maui. (Kevin Fujii/Civil Beat/2023)
Eia nā mea paipai no ke kula kiʻekiʻe ʻo Lahainaluna ke welina nei i nā haumāna e hoʻi aku ana i ke kula ma ʻOkakopa. Ma hope o nā ahi, ua hoʻi ka nui haumāna he ʻelua hapakolu i ke kula. (Kevin Fujii/Civil Beat/2023)

Akā, wahi āna, ʻaʻole i hoʻokomo ʻia ke kālā i noi mua ʻia ma ka moʻohelu kālā a ke kiaʻāina, eia naʻe, ke hoʻolālā nei ka mokuʻāina e haku i kekahi waihona kālā nui no ka hoʻoponopono ʻana. E hana pū ana ia keʻena me ke Keʻena Moʻohelu Kālā no ka ʻimi ʻana i kālā i hiki ke hoʻohana ʻia no ka mālama a me ka waela ʻana i nā ʻāina o DOE no ka hōʻalo ʻana i nā ahi, wahi a Otaguro. 

Ma Maui, ua emi mai ka nui o nā haumāna he 1,000 ma ke kula ʻo Lahaina ke hoʻohālikelike ʻia me ko ʻAukake. Ua kuhi ʻo Tammi Oyadomari-Chun, ka hope luna nui, ke hele nei nā haumāna he 2,100 ma nā kula ʻekolu o Lahaina i wehe hou ʻia ma ʻOkakopa. 

Akā, mahuʻi naʻe ʻo DOE i ka hoʻi ʻana i nā haumāna ʻē aʻe ma ke kau kupulau ke wehe mai ke keʻena i kekahi kula kūiakawā no ke kula haʻahaʻa ʻo King Kamehameha III, ka i luku ʻia ma ke ahi ma ka lā 8 o ʻAukake. ʻĀnō, ʻo nā haumāna i hele mua aku i ia kula haʻahaʻa, ke hele nei lākou i ke kula haʻahaʻa ʻo Princess Nāhiʻenaʻena ma Lahaina. 

Kuhi ʻia, e pau ana ke kūkulu ʻia ʻana o ke kula e ka U.S. Army Corps of Engineers ma ka hopena o Pepeluali ma ka pā hale hou ʻo Pulelehua, kahi i kū kokoke i ka hale hoʻolulu mokulele o Kapalua, wahi a Chun. Hoʻokahi mahina o DOE a me nā limahana ma King Kamehameha III no ka hoʻomākaukau ʻana i nā lumi papa ma mua o ka hōʻea ʻana o nā haumāna i ia kula ma kinohi o ʻApelila. 

Eia naʻe, ʻaʻole nō paha e koho ana nā ʻohana i ka hoʻi ʻana i nā kula ma Lahaina no nā kumu like ʻole, wahi a Chun i kuhi aku ai. Ma hope o ke ahi, ua komo nā haumāna he 8,000 i ka polokalamu hale kūikawā a ka Federal Emergency Management Agency, wahi a Chun me ka ʻōlelo hou ʻana, ua haʻalele kekahi o nā ʻohana iā Lahaina, a ʻo ko lākou hoʻouna akula nō ia i nā keiki i nā kula ʻē aʻe, a i ʻole, ua haʻalele ʻokoʻa iā Hawaiʻi. 

Construction crews work at the Pulelehua development in Kapalua in West Maui in October. (Nathan Eagle/Civil Beat/2023)
ʻO ka pā kūkulu hale ʻo Pulelehua ma Maui Komohana, ma laila e kūkulu ʻia ai ke kula no nā haumāna i hele mua aku i ke kula haʻahaʻa ʻo King Kamehameha III, ka mea i luku ʻia e ke ahi ma ʻAukake. (Nathan Eagle/Civil Beat/2023)

I loko nō o nā leo hopohopo o nā ʻohana i pili i ka palekana ʻāina o nā kula ma Lahaina, keu hoʻi ma ka wā e kāpae ʻia ana ke koena o ka ʻāina i ʻā, mau nō ko DOE ʻōlelo ʻana mai, palekana nō nā kula i kēia manawa. 

Wahi a Chun, i kēia manawa, ua hōʻike mai nā mīkini kilo ea ma nā kula o Lahaina, he maikaʻi ke ʻano o ke ea a puni nā kula. I kekahi mau manawa, hōʻike kekahi mau mīkini kilo ea, ʻano maikaʻi ke ʻano o ke ea, wahi a Chun, akā, ma ka nānā hou ʻana i nā mīkini, ua hoʻopilikia ʻia nā mīkini e ka hoʻēhu lepo a ke kūkulu hale ʻana a me nā mīkini ʻoki mauʻu. 

“Mau nō ka paʻakikī ma Lahaina, akā, kūpaʻa nō ko kākou kaiāulu,” wahi a Chun. 

ʻO kā Civil Beat kūkala nūhou ʻana i pili i ka hoʻonaʻauao, ke uku ʻia nei e kekahi haʻawina kālā maiā Chamberlin Family Philanthropy. 

ʻO kā Civil Beat kūkala nūhou ʻana i pili i ke Kalana o Maui, ke uku hapa ʻia nei e kekahi haʻawina kālā mai ka Nuestro Futuro Foundation. 

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.

A good reason not to give

We know not everyone can afford to pay for news right now, which is why we keep our journalism free for everyone to read, listen, watch and share. 

But that promise wouldn’t be possible without support from loyal readers like you.

Make a gift to Civil Beat today and help keep our journalism free for all readers. And if you’re able, consider a sustaining monthly gift to support our work all year-round.

 

 

About the Author