Ua ʻĀpono Ko OHA Komikina I Ka Hoʻonui Uku ʻOihana No Nā Kahu Hoʻokele Waiwai

E hoʻokō ʻia ana nā nui uku ʻoihana hou i ka lā 1 o Iulai. 

By /

E hoʻokō ʻia ana nā nui uku ʻoihana hou i ka lā 1 o Iulai. 

Ka nota a ka luna hoʻoponopono: Unuhi ʻia na Ākea Kahikina. Click here to read this article in English.

Kū mākaukau nā kahu hoʻokele waiwai o ke Keʻena Kuleana Hawaiʻi e loaʻa mai nā uku ʻoihana e hoʻopiʻi nui ʻia ana i kēia makahiki, ʻo ia hoʻi ka hoʻopiʻi mua loa no ka papa lālā ʻeiwa no ʻewalu makahiki. 

ʻO ko OHA Komikina Uku ʻOihana, ke hana kūʻokoʻa ma waho o nā kahu hoʻokele waiwai, ua koho pāloka ʻokoʻa lākou ma ka Pōʻakolu e hoʻopiʻi i kā nā kahu e uku ʻia ai i $91,560. E uku ʻia ana ka luna noho i $100,308. 

Ka Ulana Pilina Badge Olelo Hawaii
Civil Beat stories ma ka ʻōlelo Hawaiʻi
‘Ka Ulana Pilina’ is an ongoing collection of news articles and opinion pieces written in the Hawaiian language to better connect with our Indigenous readers, identify underreported stories and improve our engagement with an underserved community.
Read More

ʻAʻole i kūʻē mai kekahi kanaka i ka hoʻonui uku ʻoihana, a ua paipai ʻoluʻolu ke Kahu Brickwood Galuteria i ia hoʻonui uku ʻoihana. 

ʻO nā kahu hoʻokele waiwai o OHA, ʻo lākou nō ka ʻoi o ka haʻahaʻa o nā luna aupuni ma ka uku ʻia ʻana. ʻO ka hoʻokohu ʻana i ka uku ʻoihana o lākou me ko nā keʻena koho pāloka ʻē aʻe, he “holomua nui kēia e paipai i nā hanauna hou o nā Kānaka Maoli e hana no ke aupuni,” wahi a Galuteria. 

Ma nā hālāwai a OHA i hoʻoholo ʻia aku nei, ua nīele aku nā kahu hoʻokele waiwai i ko lākou uku ʻia ʻana no kā lākou hana kahu ma mua o kēia hoʻololi ʻana. Wahi a Ian Custino ma ka Pōʻakolu, ka hope luna noho o ke komikina, ʻaʻole loa nō pēlā. 

“Paipai mākou i ka uku ʻana no kā lākou hana kahu o mua. Pēlā ko mākou makemake, akā, ua haʻi ʻia mākou, aia nō kēlā ma waho o ka mana o ke komikina,” wahi a Custino. 

Uku ʻia nā kahu hoʻokele waiwai e ka Waihona Kālā no nā Kānaka Maoli, he $600 miliona kona nui. ʻO OHA kekahi keʻena hapa kūʻokoʻa nāna e hōʻoi i ka nohona o nā Kānaka Maoli. 

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.

Keep us brave and independent

The stories that Civil Beat dares to write take time, resources and sometimes, a healthy dose of bravery. But weʻre not afraid because our responsibility is to bring issues to you.

Your support ensures that we can remain independent and uncover the stories that, as one reader recently said, “would remain hidden otherwise.” Because if we don’t do it, who will?

Give now

About the Author