Ka nota a ka luna hoʻoponopono: Unuhi ʻia na Ākea Kahikina. Click here to read this article in English.

ʻO ko Honolulu kā hou no ka poʻe ʻilihune, ʻo ia nō ʻo Roy Miyahira, he luna kaʻina hana i hoʻomaha loa mai Nestlé Waters mai ma Kaleponi. 

E ʻae mai ana ʻo Miyahira i ʻoihana nui. Ua piʻi pālua ka nui kanaka ʻilihune ma ke kaona i kēia kekeke, a he pono ko ke kaiāulu e hoʻolako i mau wahi hou no lākou. Ua hoʻolako nā luna i 500 pela hou aku i ko ke kaona lako hoʻolulu i kēlā makahiki aku nei, wahi a kekahi ʻōlelo hoʻolaha na ke kaona, a he waiwai ko Miyahira ʻike i ke kaʻina hana i ka hoʻolako a me ka mālama ʻana i nā pela hou. 

Civil Beat stories ma ka ʻōlelo Hawaiʻi

‘Ka Ulana Pilina’ is an ongoing collection of news articles and opinion pieces written in the Hawaiian language to better connect with our Indigenous readers, identify underreported stories and improve our engagement with an underserved community.

Read More

“ʻO kona kūpaʻa i ka laulima, ka maiau, a me ka ʻimi alahele hou ʻana, ʻo ia nō ke kōkua iā mākou e hoʻoponopono mai i ka pilikia o ka poʻe ʻilihune ma Oʻahu,” wahi a Meia Rick Blangiardi i ʻōlelo mai ai ma ka ʻaha kūkala nūhou ma ka Pōʻakolu. 

ʻO ka inoa o ko Miyahira ʻoihana, ʻo ia nō ka luna o ka haʻina ʻilihune. Hoʻomau aku ʻo ia i ka ʻoihana ma hope o Sam Moku, ka i ʻauamo i kēia kuleana no Honolulu i ka makahiki 2024, a laila, ua haʻalele ʻo ia ma muli o ke kuleana ʻohana. Ma mua ona, ua ʻauamo mua ʻo Trish La Chica, ka i hana me he luna hoʻokō lā ma kā ka Meia Keʻena o ka Halena me ka Poʻe Hale ʻOle i ka makahiki 2022, a hiki naʻe i kinohi o ka makahiki 2025, kona wā hoʻi i koho ʻia ai e Kiaʻāina Josh Green e noho i kahi noho i noho ʻole ʻia ma ka Hale.

“ʻO ko Roy ʻike loloa i ke ʻano o ke kaʻina hana, ʻo ia nō ka mea e kohu pū ai ʻo ia me kēia ʻoihana kekahi i kekahi,” wahi a Anton Krucky, ka luna o ka Hana Kaiāulu, ma kahi ʻōlelo hoʻolaha. “Kau nō ka maka e ʻike i kona alakaʻi ʻana ma kona wā e hoʻokō mai ana i nā kaʻakālai. E kūkulu ana ʻo ia i kona hui i loko o ke Keʻena Hana Kaiāulu me ka hoʻohana ʻana i ko ke Kaona nui polokalamu kōkua kaiāulu.”

Ua loaʻa mai iā Miyahira kahi kēkelē laepua i ka noiʻi politika mai ke Kulanui o Hawaiʻi ma Mānoa. ʻO kona lā mua no ka hana ʻana, ʻo ia nō ka lā 18 o Pepeluali. 

Hoʻopololei ʻia: Ua pela hewa ʻia ko Miyahira inoa ma ke kā mua o kēia moʻolelo. 

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.