Kā ka luna hoʻoponopono nota: Unuhi ʻia na Ākea KahikinaClick here to read this article in English. 

Ua kaulana ʻo Vince Kanaʻi Dodge no kekahi mau mea he nui: ʻo ke kuʻi kalo ʻana ʻoe, ʻo ka hoʻouluulu ʻana ʻoe, a me ka mālama ʻana i ka ʻāina. Akā ʻo ka mea mua a haʻi e ʻike aku ai iā ia, ʻo ia nō kona makemake ʻole i nā kāmaʻa.

Ka Ulana Pilina Badge Olelo Hawaii

“ʻO ia ka ʻoi loa o ka mea i hoʻohilahila iaʻu ma koʻu wā e kamaliʻi ana,” i ʻōlelo aku ai ʻo kā Dodge keikikāne ʻo Daniel Anthony me ka ʻakaʻaka ʻana aʻe.

Ua haʻaheo naʻe ʻo Anthony i ke kapa ʻana aku a nā keiki kamaʻāina i kona makuakāne ʻo “no more slippers Vince,” akā manaʻo ʻo ia he kūʻēʻē nō paha kā kona makuakāne koho ʻana e hana me nā lāʻau kiawe, ʻo ia hoʻi ka mea i kaulana i ke kukū ʻehaʻeha.

“Ē, he mea ʻino nō paha kēlā mau kukū no kekahi kāne kāmaʻa ʻole e like me aʻu,” wahi a Dodge me ka nānā pū ʻana i kekahi lāʻau kiawe nui ma ka pāka kahakai ʻo Pōkaʻī ma ka hapalua hope o Iune.

Ua aʻo ʻo ia e akahele a hiki hoʻi iā ia ke kuhi pono mai kahi mamao mai i nā lāʻau e hoʻokuʻu nui i nā kukū ma kahi o nā lāʻau ʻē aʻe e hoʻokuʻu iki. A inā ʻoʻe ʻia ʻo ia, he haʻina ko ka lāʻau kiawe.

He lāʻau lapaʻau ko nā lau,” wahi āna me ka wehewehe ʻana aku i kāna hana kāpaʻi ʻana ma o ka mama ʻana i nā lau kiawe.

He kahua paʻa ke kiawe no ka nohona ma Oʻahu Komohana. Manaʻo nā kānaka he nui, he ukiuki ia ma muli o nā kukū a me nā hua he mau kaukani e hoʻokuʻu ʻia i kēlā me kēia kauwela.

“E ʻike mau ʻia nā kānaka e kope aku ana i nā hua, a laila, e hōʻā ʻia aku ana ia, a i ʻole e kīloi ʻia aku ana nō ia ma ke ʻano he ʻōpala kā ia,”wahi a Dodge. “ʻAʻole nō ia he ʻōpala. Ke noho nei ke kanaka ma luna o kekahi lua ʻeli kula no ke olakino maikaʻi.”

Ua aʻo nui ʻo Dodge e pili ana i ke kiawe no kekahi kekeke a ʻoi no ka mea, ʻike ʻo ia i kēia mau kiawe ma ke ʻano he makana ia no Oʻahu Komohana, ʻaʻole nō ia he lāʻau haole. Ma o ke alakaʻi ʻana aku i nā hui ʻohi hua kiawe a me ke aʻo ʻana aku i ke kuke ʻana i ke kiawe, manaʻolana ʻo ia i ka hoʻomālie ʻana mai o nā ʻohana, ka ʻai ʻana i nā mea ʻai kamaʻāina, a me ka ʻike ʻia ʻana o nā mea e kūikawā ai ʻo Oʻahu Komohana. A ʻōlelo nā alakaʻi kaiāulu, ua hoʻouluulu ʻē kā Dodge hana i kēia hanauna hou no ke kapa haʻaheo ʻana iā Oʻahu Komohana i ko lākou home.

Vince Dodge holds some Kiawe seed pods. The Kiawe seeds are ground to make Waianae Gold, Kiawe seed flour.
Ua noho ʻo Vince Dodge ma Oʻahu Komohana no kona ola holoʻokoʻa, akā ʻaʻole ʻo ia i ʻike i ka hiki ʻana o ke kiawe ke ʻai ʻia a hiki i kona wā e makua ana. Cory Lum/Civil Beat/2021

Kūʻai aku ʻo Dodge i nā meaʻai “energy bar” me ke kiawe i kuke ʻia i loko, a me ka palaoa maka kiawe i nā mākeke mahiʻai ma Oʻahu Komohana, a hoʻohana ʻo ia i ka palaoa maka āna e wili aku ai mai kēlā mau hua. Ua kapa ʻo Dodge i kāna ʻoihana ʻo Waiʻanae Gold — ʻaʻole i pili hoʻokahi i ka lenalena uliuli o ka palaoa maka, akā ua pili pū ia i kona makemake e hoʻouluulu i nā kānaka e nānā i nā manawa kūpono “kula” ma Waiʻanae.=

“He aloha nui ko ʻoneʻi ke hoʻomaopopo ʻia, ke ʻai nei ke kanaka i ka mea ʻai no kona ʻāina home,” wahi āna.

Waianae Gold is Kiawe tree seeds ground into a flour.
E kūʻai aku ana ʻo Dodge i ka palaoa maka kiawe no kekahi kekeke a ʻoi. Cory Lum/Civil Beat/2021

Ua pili mau ke kiawe i ko Dodge ola. Ua nanea ʻo ia i ka malu o ke kiawe ma ke kahakai ʻo Mākua. Ua ʻike ʻo ia i ko nā mahiʻai ʻohi ʻana aku i nā hua no ka hānai holoholona. A ua ʻike pū hoʻi ʻo ia i ke kū malihini ʻana o ke kiawe, ʻo ia hoʻi kekahi hoa hānau o ka lāʻau mesquite.

Akā, ma mua o ka makahiki 2006, ʻaʻole nō ʻo ia e ʻike aku ana i ke kiawe me he mea lā he meaʻai kūpono ia. ʻO ia ka makahiki āna e aʻo mai ai i nā poʻe ʻōiwi ma ka wao one ʻo Sonoran a me ko lākou kuʻi ʻana i nā hua mesquite i palaoa maka no ka ʻai ʻana i meaʻai kūlōʻihi, a hiki i ke kanaka ʻea houpo lewalewa ke ʻai i kēlā mea.

Ma kona wā e hana ana ma ke kula waena ʻo Waiʻanae, ua kamaʻāina ʻo ia me kekahi mau haumāna papa ʻehiku me ka ʻea houpo lewalewa.

“Ua hoʻi au me ka noʻonoʻo ʻana pēnei: hiki anei i kēia ʻano lāʻau ma ko mākou pāka ke hana i kekahi mea ʻai no nā kānaka ʻea houpo lewalewa, a he momona hoʻi ia?”

“He kupaianaha nō paha kēlā,” wahi āna. “A mai laila aku nō i hoʻomaka ʻia ai ka huakaʻi.”

ʻO Ka ʻImi Noiʻi ʻAna

Ua huakaʻi ʻo Dodge i Tucson ma ʻAlikona ma ka makahiki 2009 me kekahi ʻeke kanaono paona o ka hua kiawe no ka hālāwai ʻana me kekahi hui ʻo The Desert Harvesters. Ua aʻo aku lākou iā ia i ke kuhi ʻana i nā hua kūpono no ka palaoa maka, a me ka hoʻohana ʻana i ka mīkini wili palaoa maka, a me ka puhi ʻana i nā palaoa pālahalaha kuʻuna. A laila, ua wili pū ka hui i ka ʻōhui mua loa o ka palaoa maka kiawe.

“Ua ʻōlelo nā kānaka ma laila, ʻHō! ʻOi aʻe loa ka momona o ka hua Hawaiʻi,ʻ a ua hauʻoli loa lākou,” wahi āna.

No kekahi mau makahiki ma hope aku, ua hoʻāʻo ʻo Dodge me ka palaoa maka kiawe. He lanakila kekahi, a he lanakila ʻole kekahi. Ua hopohopo ʻo ia i kona hoʻomaopopo ʻole ʻana i ke kiawe e kaulana ai ka palaoa maka kiawe ma Hawaiʻi nei.

No lailla, ua koho ʻo Dodge e ʻeli hohonu. Ma ka makahiki 2012, ua kipa ʻo ia i ka lāhui ʻo Wichí, ʻo ia hoʻi kekahi kaiāulu ma ʻAlekina ʻākau e kuke ana i ka hua mesquite no kēlā me kēia ʻaina.

“I ko mākou hoʻi ʻana i ka home, ua nīnau aʻela mākou pēnei, “pehea lā mākou e mālama aku ai i kēlā loina kuʻuna i kekahi meaʻai na ka poʻe ma ʻaneʻi?” wahi āna. “Pēlā mākou i hana aku ai i kēia lekapī no kā mākou mea ʻai energy bars ʻo ʻAina Bars.”

Waianae Gold Aina Bar.
Kuke ʻo Dodge i nā ʻAina Bars me ka palaoa maka kiawe, ka pīneki pāka, a me ka wai meli kamaʻāina. Cory Lum/Civil Beat/2021

“He mea hoʻouluulu kona ʻano,” wahi a ko Dodge hoa pili ʻo Terri Langley. ʻO Langley, he kanaka ʻea houpo lewalewa ʻo ia, a e mālama aku ana ʻo ia i kahi hale kūʻai meaʻai olakino ma Māʻili ma kēlā manawa.

“Ua manaʻo au pēnei ʻĒ! E kupaianaha ana nō paha kēia no ka mea he kamaʻāina kēia, hiki i kēia mea ke lawe ʻia mai me ka maʻalahi, a he haʻina nō paha kēia i ka nui o ko kākou mau pilikia olakino,” wahi āna.

Ua hoʻomaka ʻo Langley e kuke me ka palaoa maka kiawe ma kāna mau lekapī no ke kīʻaha shortbread lemi a me ka palaoa maiʻa. Ma ka manawa like, ua hoʻoholo ʻo Dodge i kekahi noiʻi i ka palaoa maka no ka hōʻike ʻana aku i ka waiwai olakino kikoʻī i nā kānaka ʻea houpo lewalewa e laʻa ʻo Langley.

Ka Hānai Kaiāulu ʻAna

ʻIke ʻo Dodge i ka palaoa maka a me nā energy bars ma ke ʻano he hoʻolauna ia i ke kiawe. ʻO kona ʻiʻini maoli, ʻo ia nō ko nā ʻohana wili ʻana i kā lākou palaoa maka ponoʻī.

Mau nō kā Terri Langley hana ʻana i ka palaoa maka kiawe ma kāna ʻoihana lawe meaʻai a me nā pā meaʻai kamaʻāina, e like me ka palaoa maiʻa. Courtesy: Terri Langley

Ma ka hopena o ke kauwela a me ke kinohi o ke kau hāʻulelau, ʻo ia nō ka wā e paʻapū ai nā pāka a me nā kahakai i nā hua kiawe, alakaʻi ʻo Dodge i kona “Kiawe Gathering Ohana” ma nā hehi pono e mālama ʻia ai ka palaoa maka. ʻŌlelo ʻo ia, hiki iā haʻi ke hoʻokomo i ka hui no ke aʻo ʻana mai i ke kuhi ʻana i ka ʻoi o ka hua kiawe, ke kuhi ʻana i ka lāʻau me nā hua momona, a me ke kuhi ʻana aku i ka lāʻau me nā kukū ʻoiʻoi loa.

“Hiki i ka ʻohi ʻana ke hoʻopili hou i ke kanaka i ka ʻāina, i nā kumu waiwai o ka mea ʻai, a me kou kaiāulu,” wahi āna. “No ka ulu ʻana aʻe o ke kiawe ma ke ʻano he meaʻai, he pono ka huliāmahi ʻana o ke kanaka a me ke aʻo pū ʻana i ka ʻohi ʻana.”

Ua ʻōlelo ʻo ia, ua aʻo ʻo ia i nā kānaka he ʻelua haneli, e laʻa me ko kāna hūnōna wahine mau hoa hana he iwakālua. I ka māhuahua ʻana aʻe o ko ka poʻe hoihoi, ua hoʻomaka ʻo Dodge i nā pilina me nā kānaka kamaʻāina: inā hoʻokipa ke kanaka i hui ʻohina, hoʻohiki ʻo ia i ka waele ʻia ʻana a me ka hoʻohana maikaʻi ʻia ʻana o kēlā mau hua ukiuki.

He lāʻau haole ke kiawe ma Hawaiʻi nei, a hiki i kona noho ʻana ma ʻaneʻi ke hōʻeha i nā lāʻau ʻōiwi. Akā, hiki i ke kiawe ke ola ma ka wā māloʻo, a hiki i kona mau aʻa ke kiaʻi i nā kapakai ma ka wā puleileho.

Manaʻo ʻo Dodge, ma ka wā o ka hoʻololi aniau , he makana ana nō paha ke kiawe iā Oʻahu Komohana.

“I ka hōʻea ʻana mai o kekahi lāʻau hou ma ka wā kahiko, pēnei ka poʻe, “E hoʻokamaʻāina kāua a ʻo ka hoʻomaka akula nō ia o ka pilina me ia,” wahi āna.  “Inā hoʻomaka ke kanaka pēnei, ʻTsā, he wahi haole kēia,ʻ ua hoʻopilikia ʻē ke kanaka iā ia iho.”

Ua lawe mai ka wā maʻi ahulau i mau manawa kūpono hou no Dodge e aʻo aku ai i ka poʻe i ka hoʻokamʻāina ʻana i ka ʻāina, a ke hoʻāʻo nei ka poʻe he nui i ka hana palaoa maka kiawe ma kā lākou mīkini kāwili meaʻai ma ka home.

“Aia nō a maopopo iā kākou ka palekana o ka hele ʻana aku i waho, ua leʻaleʻa ke aʻo ʻana i ka ʻohi hua me kekahi hui no ka poʻe,” wahi āna.

Manaʻolana ʻo Dodge, e mau aku ana ke emi ʻana o ka nui o nā kānaka kalaiwa kaʻa, a ʻo ia kekahi hopena hoʻololi mai ka wā maʻi ahulau mai. Ua ʻike maka ʻo ia i ka lokomaikaʻi o nā ʻohana kamaʻāina ma o ka hoʻokamaʻāina ʻana i ko Oʻahu Komohana mau pāka, nā kahakai, a me nā mea kanu.

“Inā ʻaʻole pono ke kalaiwa nui ʻana a me ka hoʻi ʻana mai ke kaona mai, hiki i ke kanaka ke noʻonoʻo nui e pili ana i kāna meaʻai, kahi a ka meaʻai i ulu aʻe ai, a me ke alahele no ke kōkua ʻana aku ma laila,” wahi āna.

Claire Caulfield/Civil Beat

"Inā ʻike ʻia koʻu makuakāne a me kona lauoho hinahina, e hoʻomaopopo ʻia, naʻu nō i hāʻawi aku i kēlā me kēia lauoho. A ʻaʻole kēlā kekahi mea haʻahelo noʻu."

He Hoʻoilina ʻOhana

Ua kaulana ʻo kā Vince Dodge keikikāne i kona kākoʻo ʻana i nā mahiʻai kamaʻāina a me ka hana ʻana me ka poi. E hoʻolohe mai i ke ʻano a kā Dodge hoʻololi ʻana i ke ola o Daniel Anthony. E Hoʻolohe i ka Leo.

Listen to Audio

Ka Hanauna Hou

Inā ʻaʻohe hoihoi o nā mākua, manaʻolana ʻo Dodge, e hoʻouluulu aku ana kāna hana i ko Oʻahu Komohana hanauna e hiki mai ana e hoʻoneʻe i ke kui.

“He kupaianaha ka ʻike ʻana aku i kona hoʻopili ʻana i nā haumāna,” wahi a Carla Kahiapo, he kumu papa ʻehā ʻo ia ma ke kula ʻo Ka Waihona o Ka Naʻauao Charter School ma Waiʻanae.

I ko Dodge alakaʻi ʻana i kāna papa ma kekahi huakaʻi papa e kiʻi i kai a me ke aʻo ʻana i ka hana paʻakai kuʻuna, ua pūʻiwa ʻo Kahiapo i ka hoʻomaopopo leʻa ʻana o Dodge i ka hiʻona ʻāina.

“Ua kamaʻāina ʻo ia i kēlā me kēia pūkoʻa, i kēlā me kēia kāheka, a ua hiki iā ia ke haʻi aku i nā haumāna e pili ana i nā wahi a pau a mākou i mākaʻikaʻi ai,” wahi āna.

ʻO Kalehua Krug, ʻo ia hoʻi ke poʻo kumu o ia kula, ua ʻōlelo ʻo ia, he koʻikoʻi ke aʻo ʻana mai o kāna mau haumāna i nā meae kūikawā ai ʻo Oʻahu Komohana, a ʻaʻole nō lākou e hilahila i ke kapa ʻana aku iā Oʻahu Komohana ʻo ko lākou home nō ia.

“Ke mau nei kekahi kuanaʻike maikaʻi ʻole a me nā manaʻo hoʻokae e pili ana iā Waiʻanae, akā hiki i ke ʻano kanaka e like me Vince ke hoʻololi aku i kēlā,” wahi āna.

Vince Dodge holds Kiawe tree seed pods. Kiawe is a variant of Mesquite.
Manaʻolana ʻo Vince Dodge i ka hoʻouluulu ʻia ʻana o ka poʻe e ʻimi i mea hou no ka hoʻohana ʻia ʻana o ka hua kiawe. Cory Lum/Civil Beat/2021

Aʻo aku ʻo Dodge i nā moʻolelo, nā loina, a me ka ʻike Kanaka Maoli, akā aʻo pū aku hoʻi ʻo ia i ke alahele no kona kaiāulu e aʻo mai ai mai nā moʻomeheu ʻē aʻe mai. I kona walaʻau ʻana e pili ana i ke kiawe, hoʻomanaʻo mau ʻo Dodge i ke kuhi ʻana i ka poʻe ʻo Tohono O’odham ma ka wae one ʻo Sonoran a me ko lākou kapa ʻana i ka lāʻau mesquite ʻo “Mother Tree of the Desert” a me ko ka poʻe Wichí hoʻomana ʻana i ka lāʻau a hiki i kēia mau lā.

“Ua noho kēia lāʻau ma laila no nā makahiki he ʻelua haneli,” wahi a Dodge. “ʻO kēia ka manawa no kākou e hoʻokamaʻāina aku ai i ua lāʻau nei. No laila, e huliāmahi kākou ma ke ʻano he kaiāulu, e hoʻokipa aku iā ia i ko kākou home, a e mālama pū kākou i kekahi pilina me ia.”

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.


Not a subscription

Civil Beat is a small nonprofit newsroom, and we’re committed to a paywall-free website and subscription-free content because we believe in journalism as a public service.
 
That’s why donations from readers like you are essential to our continued existence.
 
Help keep our journalism free for all readers by becoming a monthly member of Civil Beat today.

About the Author